Адкуль родам?

Мінск.

Кім марыў стаць у дзяцінстве?

Вядома ж футбалістам :)

Як прыйшоў у футбол?

Папрасіў бацькоў адвесці мяне на футбол, таму што з дзяцінства вельмі падабаўся гэты від спорту.

Чаму стаў менавіта галкіперам?

Гадоў да 9 быў нападаючым. Потым прыйшоў новы трэнер і вырашыў мяне паспрабаваць у браме, напэўна, з-за антрапаметрычных дадзеных.

Любімы футбаліст дзяцінства?

Буфон.

Любімы футбольны клуб?

«Манчэстар Сіці».

Якую музыку слухаеш?

Вельмі розную, але ў асноўным, замежную.

3 лепшыя фільмы ад Івана Санько:

«Законапаслухмяны грамадзянін», «Уладар пярсцёнкаў», «Троя».

Лепшы адпачынак для цябе гэта ...?

Люблю адпачываць дома, глядзець фільмы і піць гарбатку.

Хто твой галоўны заўзятар?

Мае родныя і блізкія.

Наколькі ты патрабавальны да сябе?

Імкнуся быць максімальна патрабаваць ад сябе самога, інакш нічога не дамагчыся.

Самы яркі ўспамін з футбольнай кар'еры?

Дзіцячая радасць: пасля перамогі на турніры ў Вільні атрымаў усе магчымыя медалі і на зваротнай дарозе заснуў у абдымку з кубкам :)

Калі ўпершыню пачуў аб «Крумкачах»?

Шчыра кажучы, не памятаю, ужо даўно сачыў за камандай.

Чаму вырашыў перайсці да нас?

Добрая каманда і класны калектыў, ёсць задачы на сезон.

Па якім прынцыпе выбіраў нумар?

Заўсёды браў першы нумар, ён надае ўпэўненасць. Так атрымалася, што зараз гэты нумар быў вольны, вось і ўзяў яго.

Ты дэбютаваў за «Крумкачоў» у матчы са «Спутнікам». Якія ўражанні ад той гульні?

Вельмі добрыя. Лічу, што каманда правяла выдатны матч, перамаглі 3-1. На поле адчуваў сябе ўпэўнена, але трошкі прысутнічала хваляванне, не без гэтага.

Чым «Крумкачы» адрозніваюцца ад іншых клубаў?

Назвай і заўзятарамі!

Якую мэту паставіў на сезон?

Дапамагчы камандзе ўсім, чым змагу, выйсці ў Вышэйшую лігу і згуляць як мага больш сухіх матчаў.

Пра што марыш?

Мару гуляць у «Ман Сіці», марыць ніхто не забараняе :)

Што хацеў бы перадаць нашым заўзятарам?

Хачу сказаць, што мы будзем старацца з усіх сіл радаваць іх сваімі перамогамі, а ад іх будзем чакаць максімальнай падтрымкі.​