Жизнь команды

Спутнік – так называлася першая касмічная праграма ў гісторыі. Менавіта такую назву мае сапернік нашага клуба ў наступным таварыскім матчы. Рэчыцкі «Спутнік» з’явіўся ў 2017 годзе і пачаў свой шлях у беларускім футболе, як і ўсе, – з Другой лігі. Камандзе не хапіла літаральна некалькі пунктаў да другога месца, якое давала права на павышэнне ў класе. Але ўсё вырашыў выпадак – магілёўскі «Дняпро» адмовіўся удзельнічаць у Першай лізе, і замест магілеўчан туды трапіла каманда з Рэчыцы. У сезоне-2019 «Спутнік» таксама ставіў перад сабой амбіцыйныя задачы, але на ўсю дыстанцыю чэмпіянату сіл не хапіла: каманда не была дастаткова стабільнай і перамогі над лідарамі чаргаваліся з паразамі. Адсюль вынік – толькі шостае месца.

Зараз, як і ў мінулым сезоне, камандай кіруе Вячаслаў Леўчук, які мае вялікі паслужны спіс клубаў і ўзнагарод як у якасці гульца, так і ў якасці трэнера. У складзе мазырскага МПКЦ ён стаў чэмпіёнам Беларусі па футболе ў сезоне 1996, а як трэнер, акрамя работы ў айчынных клубах, мае досвед трэнерскай дзейнасці ў «Шэрыфе», «Севастопале» і львоўскіх «Карпатах». Перад тым, як узначалiць «Спутнік», Леўчук быў галоўным ў «Дняпро», і, здаецца, што лёс гэтых каманд неяк містычна звязаны. Можа таму, што абодва горада злучае адна з найбуйнейшых рэк нашай краіны – Дняпро?

«НФК Крумкачы» — «Спутнік». Прэв'ю матча, изображение №2
 

Ёсць і яшчэ адна цікавостка, якая можа зрабіць гэтае супрацьстаянне прынцыповым як у чэмпіянаце, так і ў наступнай гульне: у складзе нашага саперніка ёсць некалькі гульцоў, якія, тэарэтычна, могуць быць асобна знаёмы з галоўным трэнерам нашай каманды – Сяргеем Кузьмінічам. Напрыклад, за «Спутнік» зараз гуляе некалькі выхаванцаў футбольнага клуба «Гомель», з якім Сяргея Казіміравіча звязвае гульнявая (2010 год) і трэнерская (2010-2012) кар’ера. Напрыклад: Аляксей Цімашэнка, Арцём Федзянін, Андрэй Саковіч, Георгі Манастырскі, Станіслаў Іжакоўскі. Некаторыя з іх назіралі за Кузьмінічам – гульцом каманды, а зараз будуць гуляць супраць яго ўжо ў якасці трэнера! Чым не прынцыповасць?

У нашай камандзе таксама ёсць гулец, з-за якога наступная сустрэча «Крумкачоў» можа стаць прынцыповай. Гэта – Віталь Ліхцін, які на працягу двух сезонаў гуляў за «Спутнік». Увогуле за рэчыцкі клуб Віталь правёў 41 матч і забіў 4 мячы.

На каго варта звярнуць увагу ў складзе «Спутніка»?

Валерый Патароча. Лепшы бамбардзір (9 галоў) і лепшы гульца мінулага сезону па версіі заўзятараў. У міжсезонне Валерый забіў толькі 2 галы ў матчы з «Энергетыкам» (2:2).

«НФК Крумкачы» — «Спутнік». Прэв'ю матча, изображение №3
 

З цікавых трансфераў:

Дзяніс Глужэўскі – паўабаронца. У мінулым сезоне прымаў удзел у юнацкай Лізе Чэмпіёнаў: адыграў 3 матчы, выніковымі дзеяннямі ня адзначыўся.

Ілля Сень – нападаючы. Прыйшоў з маладзёжкі БАТЭ. У сезоне-2019 быў адным з найлепшых бамбардзіраў каманды – у 21 гульні забіў 14 галоў.

А вось вынікі міжсезонных гульняў ФК «Спутнік»:

«Энэргетык-БДУ» 2:2 «Спутнік»

«Белшына» 1:0 «Спутнік»

«Спутнік» 9:2 «Славія» (д)

«Спутнік» 3:0 «Орша»

«Спутнік» 0:1 «Лакаматыў» (Гомель)

«Спутнік» 2:0 «Смаленск»

«Спутнік» 1:2 «Днепр-Магілёў»

Па асабістым супрацьстаянням наш клуб перамагае: 2-2 і 1-0 на нашу карысць у другой лізе і 3-3, 1-0 – у першай. Увогуле атрымліваецца дзьве перамогі і дзьве нічыі. Троху статыстычных вынікаў: «Крумкачы» перамагаюць «Спутнік» у кожным другім матчы. У кожным другім матчы сустрэча скончваецца галевой феерыяй. У сярэднім у матчах паміж камандамі забіваецца тры галы. Таму, абавязкова прыходзьце на стадыён, там Вас чакае ці перамога нашай каманды, ці шмат галоў! Іншае, паводле статыстыкі, амаль неверагодна!

Аўтар: Кірыл Комкін

Адкуль родам?

Родам з Мінска.

Кім марыў стаць у дзяцінстве?

Футбалістам ?

Як прыйшоў у футбол?

Бацька прывёў на трэніроўку.

Любімы футбаліст дзяцінства?

Рауль.

Любімы футбольны клуб?

Рэал Мадрыд.

Якую музыку слухаеш?

Музыку люблю розную, усё залежыць ад настрою. У асноўным, рускі рэп, асабліва старыя трэкі Басты, Гуфа.

3 лепшых фільма ад Арцёма Варанцова

«12», «Уцёкі з Шоўшэнка», «Форэст Гамп».

Лепшы адпачынак для цябе гэта ...?

Час, праведзены з сям'ёй або сябрамі.

Наколькі ты патрабавальны да сябе?

Досыць патрабавальны. Стараюся рабіць усё на максімум сваіх магчымасцяў.

Самі яркі успамін з футбольнай кар'еры?

Былі яркія моманты, але самыя значныя яшчэ наперадзе.

Хто твой галоўны заўзятар?

Галоўны заўзятар — гэта тата.

Калі ўпершыню пачуў аб Крумкачах?

Напэўна, як і многія іншыя — пасля выхаду ў Вышэйшую лігу.

Чаму вырашыў перайсці да нас?

Хачу вырашаць максімальныя задачы.

Па якім прынцыпе выбіраў нумар?

Гуляў у папярэднім клубе пад гэтым нумарам, вырашыў не мяняць.

Чым Крумкачы адрозніваюцца ад іншых клубаў?

Заўзятарамі!

Якую мэту паставіў на маючы адбыцца сезон?

Правесці максімальна добры сезон і выйсці з «Крумкачамі» ў Вышэйшую лігу.

Пра што марыш?

Зайграць на максімальна высокім узроўні.

Што хацеў бы перадаць нашым заўзятарам?

Хачу пажадаць заўзятарам да канца быць з камандай у любыя моманты.

Адкуль родам?

Родам з Оршы

Кім марыў стаць у дзяцінстве?

Мара, напэўна, больш свядомая з'явілася, калі пачаў займацца футболам. Захацеў дасягнуць многага ў спорце.

Як прыйшоў у футбол?

Трапіў у футбол са школы, калі вучыўся ў 3-ім класе. Прыйшоў трэнер на фізкультуру, папрасіў абвесці пару фішак, панабівалі мячом, пасля чаго некаторым, у тым ліку і мне, прапанаваў прыйсці ў каманду!

Любімы футбаліст дзяцінства?

Андрэй Шаўчэнка

Любімы футбольны клуб?

У дзяцінстве заўзеў за «Мілан»

3 лепшых фільма ад Мікалая Зянько

«Тры метра над узроўнем неба»

«Прэстыж»

«Таксі» усе часткі

Лепшы адпачынак для цябе гэта ...?

Лепшы адпачынак — побач са сваёй сям'ёй!

Наколькі ты патрабавальны да сябе?

На трэніроўках і гульнях імкнуся усё па максімуме рабіць. Калі нешта не атрымаецца, магу потым вельмі доўга хвалявацца і думаць, як трэба было згуляць у тым ці іншым моманце!

Самы яркі ўспамін з футбольнай кар'еры?

Калі гуляў за ФК «Мінск», то гэта ўсё гульні Лігі Еўропы. У Малдавіі за «Мілсамі», гулялі супраць «Зімбру», атрымалася забіць пераможны гол на апошніх хвілінах. І ў Таджыкістане за ФК «Істыклол» — усе гульні кубка АФК атмасфера была вар'яцкая!

Хто твой галоўны заўзятар?

Мая сям'я, дачка — галоўная заўзятарка. Калі бачыць футбол па тэлевізары, то адразу крычыць «ГООООООЛ!» :)

Калі ўпершыню пачуў аб «Крумкачах»?

Калі «Крумкачы» выступалі ў Першай лізе і аформілі выхад у Вышэйшую лігу, тады стала цікава сачыць за гэтым праектам!

Чаму вырашыў перайсці да нас?

Каб вырашаць высокія задачы!

Па якім прынцыпе выбіраў нумар?

Узяў проста нумар, асабліва не затлумляючыся і не думаючы!

Чым «Крумкачы» адрозніваюцца ад іншых клубаў?

Першае адрозненне, што адразу адчуў, гэта заўзятары, якія сапраўды перажываюць за каманду!

Якую мэту паставіў на наступны сезон?

Мэта — выхад у Вышэйшую лігу!

Пра што марыш?

Згуляць у Лізе чэмпіёнаў!

Што хацеў бы перадаць нашым заўзятарам?

Каб заўсёды заставаліся з намі і падтрымлівалі ў любыя моманты, а мы будзем імкнуцца не падводзіць!

Адкуль родам?

З Мінска.

Як прыйшоў у футбол?

У дзяцінстве бацькі хацелі накіраваць маю энергію ў добрае рэчышча і выбралі футбол.

Кім марыў стаць у дзяцінстве?

Заўсёды ўяўляў сябе гульцам у вялікі футбол з добрай падтрымкай на стадыёне.

Любімы футбаліст дзяцінства?

Так як з самага пачатку быў нападаючым, марыў быць як Раналду.

Любімы футбольны клуб?

У апошні час не вылучаю любімых клубаў, але раней заўзеў за Рэал Мадрыд.

Якую музыку слухаеш?

У музыцы пераваг няма, дадаю ўсё, што спадабаецца.

3 лепшых фільма ад Стаса Кляшчука

З любімых магу вылучыць серыю фільмаў па кнігах Джоан Роўлінг.

Лепшы адпачынак для цябе — гэта ...?

Лепшы адпачынак для мяне - гэта паездка на гарналыжны курорт. Усё ж такі, актыўны від адпачынку лепш за ўсё падыходзіць

Наколькі ты патрабавальны да сябе?

Думаю, я досыць патрабавальны да сябе. Мая пазіцыя на поле вельмі адказная, і хочаш ты гэтага ці не, амаль заўсёды ў прапушчаных мячах ёсць дзеянні брамніка, якія маглі б перавярнуць зыход па-іншаму.

Самы яркі ўспамін з футбольнай кар'еры?

Адзін з самых яркіх успамінаў быў узімку на Кубку Развіцця ў 2017 годзе, той антураж на матчах застанецца назаўжды ў маёй памяці.

Хто твой галоўны заўзятар?

Мой самы галоўны заўзятар - гэта мой бацька, які з самага дзяцінства падтрымлівае мяне як у працэсе трэніровачных будняў, так і на матчах.

Калі ўпершыню пачуў аб «Крумкачах»?

Аб клубе пачуў упершыню ў сувязі з выхадам у вышэйшы дывізіён.

Чаму вырашыў перайсці да нас?

Вельмі прыемна бачыць на трыбунах 12 гульца, такую падтрымку ў 1 лізе далёка не ўсюды можна ўбачыць. І вядома ж клубы з задачай заўсёды прыцягвалі футбалістаў, ніхто не хоча ісці ў клуб, які трымаецца за сваё існаванне ў тым ці іншым дывізіёне, значна прыемней мець мэту рухацца на вяршыню.

Па якім прынцыпе выбіраў нумар?

Абраў нумар па сваім узросце на момант падпiсання.

Чым «Крумкачы» адрозніваюцца ад іншых клубаў?

Блізкасцю заўзятараў з камандай, у першую чаргу.

Якую мэту паставіў на наступны сезон?

Рэалізаваць сябе на поўную катушку і дапамагчы камандзе дасягнуць жаданага выніку.

Пра што марыш?

Мару, каб мае будучыя і былыя трэнеры, казалі пра мяне з гонарам.

Што хацеў бы перадаць нашым заўзятарам?

Хацелася б загадзя падзякаваць ім за падтрымку і пажадаць ім веры ў нас і ў тое, чым мы займаемся.

Адкуль родам?

Пасёлак Акцябрскі, Смалявіцкі раён

Кім марыў стаць у дзяцінстве?

Бацькі сказалі, што прэзідэнтам ?

Як прыйшоў у футбол?

З сябрам, за кампанію

Любімы футбаліст дзяцінства?

Такога няма, шмат футбалістаў ёсць, якія гуляюць на маёй пазіцыі

Любімы футбольны клуб?

«Мілан»

Якую музыку слухаеш?

Усё, што спадабаецца

3 лепшых фільма ад Віталя Ліхціна:

Падабаецца глядзець лёгкія камедыйныя фільмы, топ 3 не назаву, але там дзе здымаюцца Эдзі Мэрфі і Уіл Сміт заўсёды гляджу з задавальненнем

Лепшы адпачынак для цябе гэта ...?

Час, праведзены з сям'ёй

Самы яркі ўспамін з футбольнай кар'еры?

Яркіх успамінаў шмат. Але спадзяюся, што самае яркае яшчэ наперадзе!

Хто твой галоўны заўзятар?

Сям'я, мае бацькі, бацькі жонкі і сябры

Калі ўпершыню пачуў аб Крумкачах?

Пачаў сачыць з моманту, калі ў клубе пачаў гуляць мой сябар Павел Чыкіда, а далей каманда заўсёды была на ўвазе і на слыху

Чаму вырашыў перайсці да нас?

Збіраецца добры калектыў, шмат вопытных футбалістаў, якія здольныя вырашаць самыя высокія задачы

Па якім прынцыпе выбіраў нумар?

Мне падабаюцца нумары 8 або 18, але ў апошнія гады гуляю менавіта пад 18

Чым Крумкачы адрозніваюцца ад іншых клубаў?

Думаю, сваёй медыйнасцю, гэта клуб, пра які чулі або ведаюць нават людзі, далёкія ад футбола

Якую мэту паставіў на наступны сезон?

Дапамагаць дамагацца станоўчых вынікаў, калектыву і клубу, расці як футбаліст і чалавек

Аб чым марыш?

Згуляць за «Мілан»

Што хацеў бы перадаць нашым заўзятарам?

Паважаныя заўзятары, прыходзьце, калі ласка, і будзьце разам з камандай. Нам патрэбна Ваша падтрымка, будзем рады бачыць кожнага!

Последнее из Twitter

Даем вам зарад энэргіі і рашучасці на выходныя! ❤️ https://t.co/jksjLkSuZJ
@goats_by Трэба скінуць Вітале ў дм
Стаў лайк, калі гатовы майніць КрумкаКоіны! Паглядзім колькі нас!!
Не хачу, не буду, ладна давайце ізноў Шахцёр 😊 У суботу зноў згуляем супраць петрыкаўскага «Шахтёра» і паспрабуем у… https://t.co/X9xfkn5pc1
Вось што Лёха прасіў вам перадаць: Як бы там не было, толькі калі Мы будзем трымацца разам, Мы даможамся выніку. Ве… https://t.co/AFQDL2cewA

Контакты

Директор

Олег Давидович
+375 (29) 618-09-80
od@krumkachy.com

Пресс-секретарь

Сергей Азаркевич 
+375 (29) 278-38-81  
sa@krumkachy.com

Специалист по безопасности

Анатолий Бричак
+375 (29) 114-19-77

 

 
   
 

 

Подписывайся на нас

 

Copyright© 2020
ООО "НФК Крумкачы"
Сайт разработан business-solutions.by